祖兒爆房當尾彩掃獎定驚

容祖兒日前被怪客闖入酒店房，經歷人生第二驚嚇，連「睡衣Look」亦被睇蝕！不過，樂觀的她笑言當攞「尾彩」，加上在新城頒獎禮狂掃5獎，總算是心靈安慰！

祖兒前晚在《新城勁爆頒獎禮》成為女歌手大贏家，心情靚爆，不過，當談及日前在內地酒店被男怪客「爆房」，她即收起笑容。祖兒回想發現有陌生男人在房內時，嚇得全身發抖兼腳震，若當年寓所失火是人生最驚慌一次，今次便是第二驚嚇！問到會否追究，她說：「追究都冇用，因為驚嚇嘅傷害係追唔到。」問到當時是否身穿睡衣，她說：「我着咗件黃色好低B嘅睡衣，因為驚凍，仲叫阿媽攞件厚啲嘅。」事發後一晚，她不敢再關燈入睡，以免想起該黑衣怪客。

對於房門落了門鏈仍被闖入，祖兒亦感到莫名其妙：「有鎖o架！可能條鏈流囉！」她覺得2010年很精彩，想不到攞埋「尾彩」，更笑言在Boxing Day收到一個「炸彈」！不過，談及在新城頒獎禮狂掃5獎，她即再展歡顏，並說：「算係心靈安慰！」另外，對於英皇杯葛港台頒獎禮，祖兒表示過去在該頒獎禮有可觀的成績，未能出席很可惜，但公司如父母，有其見解及立場，她認為做仔女的要尊重父母決定。

鍾舒漫High開香檳

除啡色毛毛裙外，祖兒前晚還換上黑色戰衣載歌載舞，火辣誘人！不過師妹鍾舒漫（Sherman）亦唔執輸，身穿Hugo Boss火紅低V吊帶裙騷身材，她笑言已黐滿膠紙：「着咗先知係咁，誇咗少少，但可以接受，最緊要靚！」慶功宴結束後，她與洪卓立、洪杰及鄭家維等，在門外與歌迷開香檳慶祝！另外，對於奪2獎的古巨基未有出席頒獎禮，英皇解釋他早已接下內地工作，而電台亦未有通知他拍致謝片段。