九姑娘Vs三公主願雙贏

今年視后之爭明日揭盅，外界幾乎已宣布獎項只得鄧萃雯與佘詩曼之爭，究竟再一次落入雯女手中，還是阿佘成功報去年一箭之仇？

相比視帝爭奪戰，視后之爭來得簡單。鄧萃雯挾《巾幗梟雄之義海豪情》的「九姑娘」餘威，蟬聯視后呼聲高唱入雲，但佘詩曼憑《公主嫁到》的「昭陽三公主」亦獲不少觀眾力撐，鹿死誰手要到明晚先知。不過，雯女賽前竟然反建議無綫頒發雙視后：「我都講過同阿佘平分視后就最好，唔使爭又有新鮮感！（唔係親生女怕輸蝕？）唔覺喎！舊年我同黎耀祥，前年夏雨同李司棋都唔係，證明咗呢樣唔係輸蝕。況且《義海》啱啱播完，觀眾仲回味緊！」

望奇迹降臨

對於阿佘這個老對手，雯女笑言樂意繼續競爭：「我覺得『鄧萃雯』代表咗『某類型』嘅同事，阿佘亦都代表咗一班好努力、唔怕蝕底嘅同事，如果我哋兩個一齊攞獎，就好似同時鼓勵兩批同事，只要努力就會贏得讚賞！競爭激烈亦可以推高收視，令電視台信譽提升，最重要係勢均力敵，唔好有黑幕，公平競爭就最好睇！」

至於近日不停爭取曝光率的阿佘，被問到雯女的「雙視后」建議，她指若然成真則皆大歡喜：「如果係真，真係一個奇迹！但我冇過諗呢個結果。其實好多頒獎禮都試過兩個得主，如果今次可以咁，真係皆大歡喜！」