阿叻60大壽願望：追住阿倫副身家！

陳百祥（阿叻）昨日60大壽，黃杏秀為愛郎在沙田馬場舉行盛大生日會，林敏驄、楊思琦、廖碧兒及李克勤夫婦等圈中人均有到賀。「壽星公」在秀姑及譚詠麟（阿倫）陪同下大派利是及接受訪問，阿叻說：「今日開咗八十圍，都唔知有冇咁多人嚟，可能要Cut咁啲！呢啲年紀過到就過到，過唔到都過唔到！（生日願望？）想創業，小則養妻活兒，大則建國興邦。我要追住阿倫副身家！其實最希望香港人同中國人都開心！」他又笑言只是16歲生日，而非60歲，阿倫即笑說：「我哋係『後現代花甲部隊』呀！」期間，阿倫拿着酒杯向剛到場的鄺美雲大叫：「香港『大S』嚟喇！你成身過千萬，要小心啲！」鄺美雲即回敬：「你咁快醉咗？」

崔建邦陳志雲「破冰」

此外，阿叻成為在馬場沙圈舉辦生日派對「第一人」，派對以《叻哥聲色犬馬六十年生日派對》為名，由EO2及狄易達獻唱改編版《我至叻》揭開序幕，並播出阿叻的短片及童年照，由曾志偉配音，講述叻哥是以聲色為業、犬馬作伴的人生。隨後大批好友上台與壽星公合照。派對尾聲時，崔建邦專誠送陳志雲離開，其後折返現場繼續狂歡，而志雲則代六嬸方逸華送上鋼筆作賀禮。