楊怡等埋林峯齊稱帝后
台慶頒獎禮明晚舉行，憑《談情說案》角逐視后的楊怡，昨日到英皇珠寶試戴三套首飾，其中她最心儀價值約三百萬港元的綠寶石系列。對於外界一致認為視后屬鄧萃雯與佘詩曼之爭，被睇低一線的她強調並沒因此失去信心。問到有傳雯女簽約換獎，她即笑問：「得o架咩？我都簽咗o架喎！」同樣看好「佘雯」封后的她又透露，將神聖一票投給好友阿佘：「我覺得佢演公主好生鬼，同平時好唔同！（視帝呢？）投咗陳豪，我同佢同一個經理人，梗要支持吓！（冇投林峯，唔驚佢嬲？）冇所謂，我叫佢等埋我一齊拎男女主角！」問到是否暗示對方稱帝機會微，她即澄清：「當然唔係，我都希望佢拎！做佢幕前嘅女人！」
到英皇珠寶試戴鑽飾的楊怡，對綠寶石系列情有獨鍾。
楊怡自言是「實力派」，故頒獎禮當晚會收起性感。