小紅再戰君如爭獎
惠英紅、米雪及鄭則士等昨日出席演藝人協會活動，影后小紅入圍電影傑出表現女演員，與吳君如及薛凱琪爭獎，她笑說：「君如成日同我爭！邊個攞獎都開心，因為呢個係貢獻獎！」對於在《巾幗梟雄之義海豪情》結局中扮阿婆極為神似，她說：「我做晒功課，參考我86歲嘅阿媽，又同化妝師研究點畫啲老人斑。（做得好過鄧萃雯？）唔係！我角色係窮人，保養好差，佢嘅角色就養尊處優啲。」
至於鄭則士得悉入圍電視界別後大感驚喜，贊成應該多辦頒獎禮：「歌手機會一向多啲，有啲台頒百幾個獎！獎項係有鼓舞作用，黎耀祥攞獎後都旺晒！」對於周潤發睇好他封視帝，他說：「佢畀面啫！知我年紀大！冇機會啦！係親生仔遊戲，我係野仔，不過我尊重遊戲規則。」他大讚黃浩然演技紮實，希望對方有獎！
小紅在《義海豪情》中飾演阿婆極神似，備受讚賞。