慳家陳豪錢銀有入冇出
陳豪早前在無綫劇《公主嫁到》的搞笑角色深入民心，令他成為今年台慶頒獎禮「視帝」的大熱人選。雖然他近日忙為新劇開工，但亦不忘把握機會出席搵錢活動。日前約下午3時，穿上格仔衫配襯四個骨褲，一身輕便打扮的他，獨自現身中環，當他途經一間時裝店時，順道入內睇衫，但兜了一圈後卻揀不到心頭好，其後他轉戰另一間時裝店，期間有途人認出時，陳豪即笑笑口揮手，態度親切！他說：「一陣要為時裝店行騷，依家準備去踩場！」
同樣被視為「視帝」熱門之一的黎耀祥，日前與謝雪心出席完公開活動，與眾人於跑馬地晚膳。醫肚後，祥仔跟好友逐一道別，然後才駕駛座駕返歸。
陳豪Shopping齋睇唔買，空手而回。
黎耀祥到跑馬地晚膳，飯後駕車離開。