李亞男晒命：好似結婚咁公開戀情多祝福
張嘉兒、李亞男及黃長興等昨日在奧海城出席無綫台慶活動，即場預演勁舞，勁道十足！剛公開與王祖藍拍拖的亞男難免被玩，但她仍開心地說：「今日祖藍特登嚟探班，陪我哋食飯！公開咗都鬆一口氣，唔使再朝早6點行山、半夜食飯！（戀情被開玩笑？）我唔介意大家講笑，因為有好多祝福，我覺得好幸福，好似結婚咁！（有結婚計劃？）冇咁快，等咗3年至拍拖，享受吓拍拖階段先！」
至於張嘉兒則獲粉絲送上蛋糕預祝生日，令她喜出望外：「近日忙綵排台慶，男友要台慶過後先補祝生日。（學李亞男公開戀情？）等感情穩定先公開。」
張嘉兒（左起）、李亞男及沈卓盈鬥擺靚甫士。