鄭融撞衫死撐Good Taste
鍾嘉欣、鄭融、劉璇、HotCha及胡杏兒等前晚出席《Neway Music Live 2010》，鄭融身穿Plotz短裙，與鄧麗欣日前出席活動的服裝一樣，難得鄭融不介意：「咁咪證明大家都Good Taste囉！就算同場撞衫都冇所謂，幾有趣吖！」至於由金牌運動員變身歌手的劉璇表示，首次將頭髮染啡，對她來說猶如整容，改變甚大。
而最近在內地拍劇的杏兒，前晚專程返港演出，問到可有練歌？她表示閒時會到公司旗下的卡拉OK練習，因不用收費，至於會否帶挈黃宗澤免費唱K？她笑說：「點解？（佢係你家屬嘛？）佢冇o架！佢都唔鍾意唱歌！（歌手都唔鍾意唱歌？）佢鍾意跳舞多啲！」
鍾嘉欣（左）與鄭融「高下立見」，相映成趣。
劉璇以歌手身份獻技，充滿新鮮感。