陳靜楊梓瑤為錢突然和好
同樣擁有E Cup身材的「百果園咪神」陳靜（DaDa）及「浸大E神」楊梓瑤（Carol），昨日以代言人身份宣傳《星塵傳說Online》，由於曾多次隔空互指「抽水」，故司儀要求兩人握手言和，惟她們突然和好，齊聲否認不和！DaDa說：「我哋冇嘢喇！（怕比較？）冇所謂，比較可以賺到錢就得！（你哋邊個靚啲？）差唔多，見仁見智！（身材呢？）佢好啲！佢好瘦，我仲要再減多6磅先滿意！」
Carol則坦言私下並非朋友，但亦沒有不和：「頭先喺後台有講有笑。（有錢齊齊搵？）係！我哋個樣同身材都各有各好！」至於新八模亦同場，當中Mia及Suki齊以女僕造型亮相，問到會否擔心子女沉迷賭博遊戲？Mia指子女年紀還小，待他們長大才教他們玩。
另外，最近合作推出電子寫真集《Love is Free》的許穎及歐陽曉彤，昨日身穿比堅尼Top在旺角鬧市造勢，她們表示已做足安全措施。
Carol（左）及陳靜齊齊以格鬥Look上陣，埋身肉搏！
新八模打扮稍為密實，自然不夠同場的「E神」搶鏡。
歐陽曉彤（左）與許穎性感闖鬧市，希望打響頭炮！