G.E.M.遭劈腿喊到甩肺
鄧紫棋（G.E.M.）昨日在海港城舉行新碟簽唱會，她透露銷量已達金唱片，並希望推出特別版，與粉絲分享新歌《Get Over You》的MV：「故事話我見到男友攬住第二個女仔，我個樣好慘，自己睇到都喊咗兩次！（現實生活有冇試過？）咁又冇！（林宥嘉喺台灣所以冇機會撞破？）唔知喎！知就冇囉！（對佢有信心？）唔係！我講之前男友，依家好少講感情問題！」再被追問會否將新碟寄給林宥嘉？她說：「叫佢自己買啦！（去台灣宣傳嗰陣連人帶碟送？）唔得！邊有咁着數！（佢身份唔同嘛？）買碟嘅時候人人一樣。」
G.E.M.與小歌迷齊齊嘟起招牌金魚嘴，Kawaii呢！