劉丹周汶錡遊印度險被「劏」
名模劉丹、陳嘉容及姚予晴等早前到印度行騷，可惜遇上無良導遊險被「劏」，劉丹日前到澳門為Dior行騷時透露，早前與陳嘉容及姚予晴到印度為香港貿發局行時裝騷，其後會合在當地旅遊的周汶錡：「導遊帶我去買地氈，不過太貴我冇買，之後喺第二度見到一樣嘅地氈，但係價錢差好多，咁先發覺原來差啲畀人騙，好彩開頭冇買到！」
不過，同行的周汶錡卻對印度讚不絕口：「我覺得衞生都OK！出街都係飲樽裝水，之前都打晒針，所以冇問題！」她透露在當地買了不少金飾：「印度嘅金飾好靚，我買咗好多！店員都同我講過話買金好，好快就升十個巴仙！」
劉丹在澳門行騷，展示春季新裝的美態。
周汶錡大讚印度衞生良好，民風淳樸。