無綫變陣狙擊亞姐

無綫突然變陣將《萬千星輝頒獎典禮2010》正面對撼亞姐，亞視方面揚言未驚過，除了靠佳麗泳裝「凸」圍外，更出動包機「亞姐1號」造勢！

無綫及亞視的年度盛事《萬千星輝頒獎典禮2010》及《2010亞洲小姐決賽》原本分別定於下月3日及5日舉行，但無綫突然變陣，將節目改期為下月5日，與亞姐正面對撼！無綫認為視帝視后之爭愈趨激烈，成為全城熱話，加上屆時有小生花旦撐場，足以撼贏肉光四射的選美盛會！

對於無綫「咬實唔放」，亞視高層葉家寶昨日接受電話訪問時表示，今屆亞姐將遠赴內地合肥市舉行，更會出動名為「亞姐1號」的飛機接送佳麗及嘉賓到當地：「我哋未驚過！啲佳麗個個有料到！（到時有咩嘉賓？）內地天王天后孫楠同韓紅，我哋仲會派包機接送嘉賓同佳麗，班機命名為『亞姐1號』，仲會同當地電視台合辦！」看來必有一番龍爭虎鬥！

萬嘉麗飲奶豐胸唔掂

此外，多位候選亞姐昨日出席仁愛堂活動，與長者玩遊戲及跳手語舞，場面溫馨。席間，(3)萬嘉麗透露在上海時與婆婆生活，獲益良多，問到婚後會否跟老爺奶奶住？她即撒嬌說：「我得18歲，拖都未拍過！呢啲事太遠喇！」早前曾揚言要飲木瓜奶豐胸的她，大呻效果欠佳：「我已經日日飲木瓜奶，但係進度超慢！」並向身材出眾的(15)劉曉智請教，豈料對方說：「我的身材是天生的！」令她尷尬不已！其後劉曉智即「死兜」，強調經常做運動及跳舞收身。她又自爆與「老爺」同住，惹來已婚疑雲，嚇得她急急澄清在其家鄉，「老爺」意即外祖父。