薛凱琪（Fiona）最近在橫店拍電視劇《畫皮》，昨日難得返港出席運動品牌活動，跟李璨琛一同行Catwalk，Fiona大呻患上思鄉病：「我從未試過離開香港兩個幾月，真係有思鄉病，成日掛住屋企。」她坦言拍劇期間得悉榮獲「越南影后」，感到非常興奮，但身在異地未能慶祝。提到拍劇的辛酸事，她說：「當地好多蟲，拍戲現場有幾十隻蟲不停飛來飛去，飛落我塊面度，我輕輕一撥就死咗喺塊面度，驚到忍唔住喊！」而今次難得返港，同事要她請食大閘蟹宴。
Fiona與李璨琛一同行Catwalk，大爆拍劇辛酸事。
