胡定欣玩SM氹黃長興落疊
在無綫台慶劇《刑警》中飾演女警的胡定欣，為捉拿「淫魔」攝影師黃長興，以身犯險「放蛇」，SM Look上陣色誘對方「落疊」。雖然導演提供性感相給定欣參考，但沒有清場，故她正式演出時要飲酒壯膽：「我同長興跳過舞，有過身體接觸，我對佢好信任，所以唔怕！但廠內有其他人真係尷尬囉！其實唔只性感咁簡單，而係意識好大膽，好彩效果好滿意。」而長興亦大讚定欣「引死人」，但他以工作為先故全無歪念：「係我叫佢豁出去演，所以叫佢飲酒！」
另外，有報道指黃日華眼紅苗僑偉（三哥）人工高，更死纏高層樂易玲盼爭「視帝」，三哥笑說：「我唔知華哥有幾多人工喎！話晒佢仲係『新人』，我點都做多佢幾年，人工高少少唔係唔得呀？」而華哥及樂易玲至截稿前仍未回覆。
鮮有性感的胡定欣晒料，令人眼前一亮。
有傳黃日華不忿三哥人工較高而向高層詐型。