JM聞「峰」色變：放過我！
最近影視雙棲的Janice Man（JM），昨日以代言人身份出席日本美容護膚品牌DOCTOR KITS活動，即場為男女模特兒示範化妝。雖然釣魚島撞船事件導致中日關係緊張，但JM不擔心代言日本品牌會引起政治敏感：「護膚品最緊要啱自己，唔使理係邊個地區。同呢個品牌合作好似Family咁，廣告商除咗影相嗰陣全程睇住，仲帶咗好多日本嘅小食畀我添！」問到會否赴日宣傳品牌，她表示交由公司決定，但不會刻意赴日發展：「唔會局限喺邊個地方，我梗係想邊度都去吓啦！」
此外，對於盛傳老闆黎明打壓她與男友阿峰的戀情，JM雖然斷言否認，但拒絕透露目前是否單身：「我想有番啲空間，想大家專注喺我嘅工作！（避忌啲？）會！（同男友前後腳去街？）你又問啦？好難答呀，可唔可以放過我？（阿Sa都公開戀情啦！）我唔係刻意唔答，係唔刻意去提！」再問到黎明有否見過男友？她只笑不語。
JM細心地替男模化妝，未知男友會否呷醋？
識做的JM大賣口乖，難怪品牌高層爭相敬酒及合照。
