諸葛梓岐接禁令取消赴日

諸葛梓岐原定本月20日赴日宣傳處女EP，可惜中日關係緊張，其Neway太子爺男友薛嘉麟和母親施壓下禁令，令她被迫改期，更隨時「得罪」日本環球唱片！

早前簽約日本環球唱片的諸葛梓岐（Marie），與好姊妹Angelababy拍住上進軍日本樂壇，可惜雙雙受到中日關係影響宣傳大計！Baby早前揚言兩個月內不到日本，而原本打算「以身犯險」的Marie，最後因男友和母親前後夾攻施壓，令她「屈服」改期赴日！

Marie原定本月20日到日本宣傳處女EP《Love Mail》，日本環球施銀彈為她谷人氣，斥資在一間高級酒店宴會廳舉行記者會造勢，如今行程有變，據知，日本環球方面甚有微言，目前與Marie仍在拉鋸中，令她左右做人難！Marie昨日在電話中承認取消本月底赴日計劃，問到可擔心「得罪」環球？她說：「佢哋係有少少唔開心，希望唔好畀佢哋太多麻煩！（影響關係？）咁又冇！」至於日本環球是否仍力勸她出席，她表示目前交由公司安排。

陪買嘢呵番

今次受到男友和家人施壓，Marie坦言明白他們的好意，但由於是首次大型宣傳，所以感到有點不開心，問到男友如何補數？她說：「佢依排都成日陪我，陪我買嘢，不過其實佢不嬲都對我好好，佢都係為我好。（唔開心？）咁一定有，話晒都係自己一件人生大事，但我好尊重佢哋。（幾時再去日本？）應該會延至11月先去。」