近日不少女星慘遭另類「偷窺」，廖碧兒昨日穿上白色BCBG裙出席活動時，聲言不清楚事件，但她說：「冇得避，但我會做足安全措施，今日就打咗三層底！」談到其緋聞男友陳豪被視為今屆「視帝」熱門人選，碧兒力撐他說：「我對佢有信心，佢有好多劇都高收視，我套套都鍾意，有機會都想再合作。（拍劇會日久生情喎！）唔使日久嘅，一見都可以撻着！（好似蔡卓妍、陳偉霆咁公開戀情？）睇另一半介唔介意啦！（陳豪介意？）唔知，總之開心最緊要。（你依家開心？）開心！」
同事受害唔開心
此外，黎明愛將文詠珊（Janice Man）昨日到沙田馬場出席活動，談到老闆娘樂基兒成為鹹網透視掃描程式的目標，Janice驚訝地說：「發生喺邊個女仔身上都好，都係大問題，如果係自己公司嘅人會更加唔開心。」
身穿白裙的廖碧兒坦言做足安全措施。
文詠珊唔知樂基兒「中招」。
文詠珊出席活動，並親手撫摸馬匹。
