曾在外國留學的Kelvin思想洋化，但骨子裏仍帶着淡淡的「港」味，雖然他自小在鰂魚涌長大，但他的蒲點卻首選灣仔！從幼稚園到中學，他都在灣仔就讀「和尚寺」，甚少機會接近女色，就算跟同班男同學都極少講起「女生」這個話題，但他卻有「另類」經歷：「曾經有男同學對我有『好感』，試過有啲『特別』嘅暗示。」他入行後就很少回母校探老師，卻曾經回母校擔任表演嘉賓。

京都戲院曾經令Kelvin產生三級恐懼。	Kelvin小時候經常跟父親到新伊館打乒乓球。	Kelvin讀中學時很喜歡在灣仔流連。

唔敢望三級標語

讀書時，他最愛到學校附近的灣仔公園流連，經常於放學後約朋友到公園玩遊戲，當提到公園附近的京都戲院時，他一臉尷尬的說：「細個聽過呢間戲院專播三級片，有時仲會有啲三級標語，所以行過都唔敢望！」他過往連飯亦不食，只為了買閃卡、篤魚蛋，幾乎每天都會去新世紀廣場的某間閃卡舖「朝聖」，除了周慧敏外，他亦很迷戀籃球明星、卡通人物等閃卡。在父親的薰陶下，他可算是一名無「波」不歡的運動健將，經常跟父親去新伊館打乒乓波，亦愛去摩理臣山游泳池游水，過着經常操練的童年生活，難怪長大後滿身肌肉！

童年的Kelvin熱愛運動，滑雪是其中之一。	「百厭仔」Kelvin就算長大後仍十分貪玩，坐在搖搖板上童心盡現。	為了儲錢「潛」閃卡及篤魚蛋，Kelvin經常不食正餐。

踢波扮型扭傷頸

熱愛足球的Kelvin兒時可能睇得《足球小將》多，竟模仿片中主角做出各種高難度動作，他說：「有次我諗住踢個波，點知踢唔中，唔小心踢到啲空氣，搞到扭親條頸，郁都郁唔到！」此外，他亦試過被足球打中，令眼部微絲血管爆裂，可謂多災多難！