樂基兒簡單美 8.5分
評語：「靚！簡單又美觀，對Ankle Boot好配合，再拎埋Animal Print手袋更好睇，如果戴埋較簡單嘅飾物，例如只有一粒珠嘅頸鏈效果會更好。」
容祖兒襯到絕 10分
評語：「祖兒成套裝束配搭非常有Style，所有色Tone都好配搭，由妝容、指甲同髮型都令整個形象生色不少。另外由衫、鞋到襪都好靚，絕對相信喺配襯方面落過唔少心機，可以話係一絕。」
Angelababy切合年紀 8分
評語：「整體非常簡單自然，衫同褲嘅選擇都配合年紀，但略嫌鞋嘅款式太過硬朗，有啲破壞咗整體，如果選擇一啲較柔性嘅鞋，如便服型Ankle Boot或漆皮高踭鞋會更好。」
林志玲顏色唔歸一 7分
評語：「對顏色嘅配搭唔覺有Sense，整套裝束以閃鑠為主題嘅話，不妨戴金色飾物去襯托，如金手鐲或耳環，揀金色高踭鞋令視覺上更歸一。」
徐子淇點綴太多 6分
評語：「成套衫好誇張，但由晚裝到鞋太多點綴，令人眼花，耳環太長同整體唔配合，減少飾物再換純黑涼鞋令形象冇咁浮誇。」
陳法拉身形比例怪 6.5分
評語：「裏面件衫令佢身形比例好奇怪，如果換其他顏色同裁短啲會更好，可以戴白色大圈耳環或手鏈令整體較融合。」
謝安琪過分成熟 7分
評語：「套衫顏色老土，整體感覺有啲過分成熟，如果條裙以黑色為主，再配螢光粉紅色蝴蝶結較突出，成熟中亦帶點可愛。」
唐詩詠過於平凡 4.5分
評語：「衫裙似街邊Look太平凡。對黑色Ankle Boot同套衫嘅顏色唔襯，着錯鞋，如襯咖啡色Ankle Boot會較完整。」
Janice Man娘味十足 4分
評語：「晚裝娘味十足，顏色同款式同佢唔夾，似小朋友着大人衫，凸顯唔到少女味，由舒淇着較適合。」
梁詠琪Cutting唔收身 5.5分
評語：「整套晚裝有點過分成熟，而且裙嘅剪裁亦略嫌唔夠收身，睇落有啲肥，不過整體顏色都算配搭，但GiGi似乎未能夠發揮套衫嘅味道，建議髮型可以紮髻，手部再戴上玉鐲會更加美觀。」
Profile
陳刀畢業於香港理工大學時裝設計系，後於城市大學修讀日本研究。創立個人時裝品牌，03年舉行首個時裝展，曾替艾粒處男演唱會設計歌衫，為不少歌手做Styling，寫散文出過書。