兩大「咪神」Jessica C.（JC）與周秀娜，怒斥偷拍的不法之徒離譜，JC說：「我好同情郭晶晶，如果發生喺我身上，我一定會難受同尷尬！不過防不勝防，預咗自己成為下一個目標，因為我『範圍』太大，行騷時如果畏首畏尾，會影響自己嘅專業表現。我會叫助手幫眼，睇吓現場有冇可疑人士拎住呢啲器材，或者周圍問吓，有冇魔術貼或神奇物料可以阻擋紅外線。」
至於周秀娜更怒插不法之徒賤格：「最鄙視呢啲人，自己睇不特止，仲要放上網，一啲都唔識尊重人！以後出席活動，真係要喺內衣暗格加塊遮反光片，防X光照射，但其實真係避無可避，總之大家唔好再睇，以免助長歪風！」
