郭晶晶與吳敏霞等國寶級運動員慘被「透視」偷拍，震驚全城，其實早於此事前，亦有不少藝人成為偷拍對象，如陳慧琳（Kelly）、張栢芝、吳佩慈及朱茵等。
Kelly昨日否認曾有偷拍照流出，並澄清當年的照片只是假相，對於不法之徒的偷拍手法層出不窮，她慨嘆說：「我覺得科技應該用喺正途上，但有啲人誤用，咁對藝人同普通人都唔應該，依家真係出街都驚，人心惶惶！」問到日後出席活動時，會否在衣服布料上諗計對抗「透視鏡」，她表示不知科技發展如何，促政府立例管制。
至於身在內地開工的張栢芝，則透過經理人表示震驚：「身為女藝人覺得好唔安全，不法分子應該適可而止，再咁落去嘅話，拉到就要接受應有懲罰，請大家尊重女性！」而鍾欣桐則對郭晶晶深表同情：「咁嘅事令人髮指，好過分，希望啲人自律，唔好再傷害人！」