黎明嫂樂基兒（Gaile）昨日與旗下藝人Janice Man及歌手應昌佑出席活動，對於公司另一歌手衞蘭被指與教會弟兄拍拖，Gaile即為她解畫，認為可能只是誤會一場，對方有可能是工作人員。問到旗下藝人拍拖是否要先問准老闆黎明？她說：「唔需要。（會唔會問番衞蘭﹖）我好少同佢傾呢方面嘅嘢，等有一日佢認咗先再講，我唔係八卦嘅人。」
至於已公開有男友的Janice Man則認為拍拖是開心事，更力撐衞蘭：「有邊個女仔唔鍾意甜蜜戀愛！（覺得衞蘭春風滿面？）拍戲先見到佢，佢心情好開心，佢就嚟有演唱會，Relax吓都好。」她又否認公司阻止藝人拍拖，但主張藝人拍拖宜低調：「咁做可以保護自己，又能顧及對方感受。」