鄭伊健與名模Lynn昨日出席The Body Shop美髮用品活動，Lynn穿上性感Tube Dress大騷長腿，似要證明自己比舒淇更性感。對於城城大讚舒淇是首席性感女神，Lynn亦大讚對方形象健康又性感，更直言與她「冇得比」：「佢都係性感靚女，冇得比較！我冇唔開心同嬲！」又暗示城城讚舒淇只是出於大方及風度。問到覺得哪方面較性感，她說：「腿！（咁城城呢？）好難講！我都係唔講，再講又中你哋招！」隨即大讚城城身形性感，並力撐愛郎在新片《全城戒備》的「麥當勞叔叔」造型「型英帥」：「啲相唔肉酸，仲好有親和力！」

否認與Baby不和

近日有傳因Angelababy備受經理人重視而被忽略的Lynn說：「佢係細路女，我又做得比佢耐，經理人應該照顧佢多啲！」

至於鄭伊健則否認與女友蒙嘉慧（YoYo）結婚：「成日都講我結婚！（女仔唔等得？）你又知！可能佢等得呢！」他坦言不滿早前被狗仔隊偷拍到北海道家庭旅行，並指YoYo與家人相處融洽，每年去一次旅行，更笑言女友「融入家中」，但從沒討論婚期：「真的假不了，假的真不了。」他又感謝舊愛梁詠琪祝福他們早生貴子。