諸葛梓岐將於本月20日牛一，男友Neway二公子薛嘉麟計劃與她到外地慶祝，昨日她與Jocelyn為Coach擔任模特兒時說：「一陣要飛台灣做嘢，我有啲發燒，呢排成日飛！14號喺台灣返嚟，15號再飛日本做嘢，18號返嚟之後又再飛。（結埋婚先返？）唔好嚇我啦！邊有咁快呀！大家未有共識。（因為遊船河事件？）唔關事，想工作先。」談及進軍日本樂壇一事，她表示詳情要待公司公布，問到會否與Angelababy爭，她說：「唔會，Baby成績好好，好叻女，唔係競爭對手，希望大家都做多啲嘢。」她希望走性感路線，而男友亦不會干預。