餅碎Angela、Elaine、Gloria與Helena昨晚舉行《曲奇Happy 2gether音樂會》，舊拍檔吳雨霏（Kary）、楊愛瑾（Miki）、蒲茜兒與老公捧場，事先張揚有工作在身的傅穎及鄧麗欣均缺席，但傅穎則送上花籃。Elaine獻唱《她的眼淚》時有感而發說：「愛情不是人生全部。」隨即淚流滿面；而Helena與Angela等亦相繼落淚，Angela說：「等咗今晚好耐，Cookies解散時好唔開心，覺得自己好差，懷疑過自己能力。」
完騷後，四人大讚兩位好姊妹有心，Elaine說：「Miki開騷前半個鐘SMS話過嚟，見到Kary喺台下一齊唱，好想喊！」對於鄧麗欣沒有送花籃，Angela維護說：「可能佢喺昆明拍戲，唔記得訂，佢喺微博留咗言支持我哋。（話你哋夾埋杯葛傅穎？）係外間揣測，我哋冇芥蒂！（傅穎話你哋冇請佢？）可能記者問佢快過我哋公司傳邀請卡畀佢。（唔打畀佢？）冇佢電話。（唔Friend？）唔好講Friend唔Friend，唔熟落，唔會約出嚟。」
