周秀娜（Chrissie）穩坐性感女神寶座後，突然殺出同樣身材驕人的「警鐘胸」JC搶風頭，兩位宿敵昨日碰頭，在彩虹道人造沙灘排球場為新片《熱浪球愛戰》特訓，同場還有傅穎、A. Lin、DaDa Lo、新八模成員Jeana、Rika、Mia與Hidy等。

身穿運動Top的JC，輕輕俯身已成功「響鐘」！	新八模成員Rika與Jeana多次仆落地，Fans心痛死！	Jeana

飾演排球員的Chrissie與JC造型各有千秋，但大合照時卻各自出招，Chrissie頻頻與傅穎咬耳仔，冷落JC，不甘示弱的JC即以其C Cup身材「胸壓」傅穎玉背！合照後，眾女輪流接受特訓，扣殺及救球時相當落力，尤其是Chrissie與JC更是戰鬥格，扣殺時跳得特別高，救球時又不惜瞓身磨沙，無懼咪咪受傷。

Chrissie（後排中）與傅穎（後排右）密密斟，被冷落的JC一臉冇癮！

JC（右二）一度企圖埋堆，但Chrissie（左二）只是眼望望，未有與她聊天。

咪咪磨沙地

問到是否與「宿敵」JC鬥波、鬥演技，Chrissie先禮後兵說：「佢樣靚、身材都好。」同時不忘撐傅穎並非身材失色：「着咗運動裝，大家都冇乜o架啦！（佢打排球冇阻礙？）今日個個都有阻礙（下雨）。（佢好多布喎？）唔通着樽領咩！」她不擔心外間將大家的身材作比較，更食「乳」字諧音搞Gag說：「大雨唔會浸死人嘅，大雨都唔好浸死人啦！我哋相處咗三個月，大家都好好。（多女演員多是非？）咁先勁，套戲係需要咁多女仔，唔怕有咩嘢，咪當宣傳囉！」對於「搶走」傅穎的緋聞男友羅仲謙，她說：「拍戲啫！現實中我都有男友啦！」

至於JC被問到會否擔心驕人身材招人嫉妒，她說：「個個女仔都身材好，好靚！（豐滿上圍影響打波？）女仔要有好身材，打排球先展現到美態。」