許志安與鄭秀文的關係撲朔迷離，成為全城熱話，身為二人好友的梁漢文（Edmond），昨日接受訪問時說：「身為佢哋嘅知己朋友，真係唔適合講太多嘢，唔想令件事更複雜，沒完沒了！總之我尊重安仔決定！安仔、Sammi同Michelle都係我朋友，感情事好難講，男女分手係平常事！自己係局外人唔了解，唔想講太多！」
提到安仔快將生日，Edmond表示未知有甚麼慶祝活動：「27號我哋要做騷，安仔要專心工作，相信以佢嘅專業，可以應付得到！（安仔生日，送咩祝福畀佢？）希望呢件事快啲完結，對佢哋三個人都唔好受！」
另外，Edmond昨日接受查小欣電話訪問時表示，曾想與好友開演藝學校，他教彈琴，蘇永康教唱Jazz，張衞健則教演戲，問到安仔是否教人處理感情問題？他說：「我哋4個都可以！」