安仔最近宣布與女友Michelle（余德琳）分手後，即傳出他與Sammi翻撻，Sammi旋即在微博上以千言書表達感受，坦承曾想與安仔復合，但最終並沒發生！可惜事件未有平息，反而令這個三角關係愈鬧愈迷離，三人亦飽受負面新聞困擾！

《勁歌》嘉賓送上蛋糕，令安仔甚為驚喜！	安仔昨晚甫出現，即時成為傳媒焦點。	Michelle與安仔談情數載，受盡千夫所指，相當慘情！ 資料圖片

否認遭逼婚

沉默數日，安仔昨晚終肯開腔回應！他與泳兒、關心妍等錄影《勁歌金曲》前滿面愁容，坦言要認真及有勇氣地面對問題：「最近有關我同Michelle嘅離譜傳聞都係不實，逼婚、同居、偷睇SMS都係冇！」他指Michelle是圈外人，不應承受如此壓力：「（傳聞）對佢唔公平，令佢同佢家人帶來不便，我衷心同佢講句Sorry！希望大家畀空間佢過自己嘅生活！（佢受困擾？）我睇到都會，我都好難過！（Sammi撐你！）自己知就OK！麻煩到身邊任何人都唔好意思。」他指Sammi絕非第三者，分手一事與她無關！提到與Sammi同於本月生日，他肯定地表示不會交換禮物：「我會喺工作中過生日！」

自發出千言書表態後，Sammi昨日首度公開見人，看來沒受事件影響。	Sammi於MV中載歌載舞，狀態大勇！	Sammi是非纏身，仍在台上強顏歡笑。

台下憂愁，不過安仔上台錄影時即變回生猛，與觀眾一起重溫昔日的新秀片段，他搞笑地指張衞健奪新秀獎時似胃痛，但播放Sammi一段時，他卻巧合地不在場內。其後大會送上蛋糕祝賀今天生日的安仔，他透露願望是「個個都開開心心」！錄影完畢，安仔便直返寓所休息。

拒為舊愛賀壽

事有湊巧，Sammi亦選擇於昨日會見傳媒，她於澳門出席活動時笑容滿面，明顯有備而來，問到最近與安仔有否見面及種種傳聞，她均以「冇補充」作回應。有指安仔因她是基督徒，故拆去家中的風水陣，她說：「冇補充！（返教會？）會！點解唔返？（心情點？）幾好，冇咩特別！（為安仔賀壽？）冇嘢要講！咩都已經表達晒！（你生日呢？）要喺廣州開騷！」提到安仔被雜誌寫衰時，她終於開腔維護：「識佢嘅人就知佢唔係咁，佢同事都知！」另外，Sammi接受內地傳媒訪問時表示，已有9日冇外出。對於母親被傳媒拍照，她笑說：「下次我要叫媽咪化妝先出街！」