杜琪峯（阿杜）於新片中撮合吳彥祖（Daniel）及高圓圓「拍拖」，安排二人共享燭光晚餐，情到濃時還上演一幕激吻，最後Daniel向圓圓跪地求婚！阿杜抵死地說：「如果Daniel返到香港畀Lisa S.扭耳仔嘅話，佢可以找我晦氣！」
電影煞科後，Daniel即趕返香港，準備下周補擺結婚喜宴，阿杜即席開香檳預祝，相當識做！Daniel則自爆當初向Lisa求婚時，一點都不浪漫：「嗰日我同Lisa食飯，講到下一代問題，大家都覺得係時候（生BB），我咪問佢係咪應該結婚先囉！」難怪他坦言當日拍戲是首次跪地向女生求婚，想不到是為了阿杜！
