台模白歆惠（白白）來港3日，昨日身穿低胸裙拍攝其代言的Bella廣告，大晒事業線及長腿。今次是她第二度為該品牌拍廣告，問到性感程度會否有突破？她說：「我會着十幾套衫，其中一件係比堅尼，只要靚同有藝術感，唔介意更性感，但唔接受露點！（事前有冇禁食？）工作人員成日叫我食嘢，話我肥肥哋會比較得意！」
對於昨日o靚模群出谷寫真，白白不介意被搶風頭，自認愛看年輕女生的她還直言喜歡她們：「佢哋好青春，令我想起自己以前都青春過！我覺得Angelababy非常正！（你會唔會出寫真？）有人叫過，不過我想向戲劇界發展，唔想影完之後，大家忘記咗我係演員！（怕焦點放喺身材度？）都係，不過我唔會刻意擺脫呢個形象，呢個係我起家嘅地方，健康性感就OK！」