書展昨日開鑼，不過有份出寫真的陳嘉寶及蔡穎恩就懶理，鐵定書展後才舉行簽名會，昨晚她們與劉心悠、黃偉文等出席Mercibeaucoup的秋冬時裝展時說：「我哋唔係要避風頭，只係攰到瞓晏咗，起身就裝身嚟呢個活動！我哋都想去書展o架！（有咩攻勢？）28號會喺銅鑼灣搞簽名會。（不屑同其他模一齊宣傳？）唔係，我哋會私底下去！（銷量理想嘅話，會裸泳慶祝？）有2%機會喺外地裸泳，香港就絕對唔會！」至於劉心悠則束起長髮，改以清爽短髮示人，相當清新！