為配合「香港龍舟嘉年華」而舉辦的「生力暢飲樂園」活動將於明日舉行，大會除請來U-Kiss成員等出席外，旅發局更請來鍾舒漫（Sherman）與韓星大鬥舞技！當得悉可與U-Kiss合作時，Sherman興奮得大叫：「佢哋好出名，今次真係好榮幸！冇諗過佢哋會搵我，依家心情好緊張，自己又唔識韓文，都怕唔知點同其他歌手溝通，不過我信音樂係最好嘅橋樑！」

U-Kiss以舞技聞名，演出令人期待。 資料圖片

鍾舒漫與洪杰出席地產活動。

另外，Sherman昨日穿低胸裝與師弟洪杰出席英皇地產活動，問到是否隔空力鬥模？Sherman說：「唔好咁講，都係配合番今日個活動啫！（佢哋喺戶外搞活動喎？）咁香港有自由嘅，喺邊度搞唔緊要，守秩序就得，不過今日打風，記者同佢哋就慘啲囉！」

性感冇極限

Sherman表示已選好簽名會戰衣，準備明日殺入會展，問到會否性感上陣？她說：「我覺得係靚o架囉！性感唔係賣點，準備畫Q版樣送畀歌迷！（書中有3點式喎？）係襯托番感性嘅文字啫！（性感底線？）冇乜極限！最緊要配合件事，就算上身唔着都冇問題，係意識問題，要正面嘅，唔可以冇原因咁唔着囉！」