近年以清純形象示人的傅穎（Theresa）終改Sell性感，在昨日推出的寫真集《about her》中，僅穿胸圍及性感睡衣，更破天荒大膽裸背，僅以雙手遮胸，令人想入非非！在「情色攝影師」米原康正的鏡頭下，身材平平無奇的Theresa頓變性感尤物，與一眾模火併！

自誇從無錯字

為宣傳寫真集及繪本散文集《如果你是我》，Theresa昨晨10時起在書展連跑3場，相當落力！約50名Fans一早到場搶購，首名女Fans更一口氣狂掃30本寫真。談及裸背及疑似自摸照，Theresa說：「都幾性感o架！算係極限，短時間內唔會再影。」昨日她打扮密實，問到是否擔心被驅趕，她說：「唔係，我年年都係咁着，而且我又冇用咩奇招。」至於會否擔心散文集像「宿敵」鄧麗欣般錯字百出，她暗寸說：「我咁多年都冇，紀錄良好！」

否認戀羅仲謙

另外，Theresa被拍得與羅仲謙遊船河，她說：「大家只係朋友，當日係一大班同事去。（幫你除潛水衣？）重吖嘛！（送寫真？）佢會自己買。」而羅仲謙接受電台訪問時，亦否認與Theresa拍拖3個月，他解釋當日是梁雨恩的生日會，因想曬黑才參加。