徐子珊、鄭則士與黃浩然等昨日到商場宣傳《情越雙白線》，期間黃浩然拿着鮮花及戒指，跪地向劇中女友子珊求婚。子珊坦言現實中沒有人向她求過婚：「希望不久嘅將來有呢個機會！（恨結婚？）我恨拍拖先，相信都快，因為年紀大想穩定啲，搵個人照顧。」她表示現時有追求者，但沒有穩定關係的伴侶，更坦言不接受拍散拖。提到所屬唱片公司重組，有否斟其他公司？子珊說：「等公司安排，但都有繼續接登台同唱歌工作，心急唔嚟！」
至於浩然坦言當年向老婆求婚時也有跪地，又踢爆老友鄭則士開工時曾責備他：「拍劇時都有畀佢鬧，但佢係兩屆影帝，冇問題。」鄭則士則被問到黎耀祥睇好他有機會憑此劇奪視帝，他說：「冇可能！佢講客氣說話啫！（你好戲嘛！）好戲冇用嘅，要好運。」