張家輝、謝霆鋒及廖啟智繼《証人》後，再度合作英皇電影《綫人》，原班人馬再度碰頭，感覺十分興奮。因《証》片成績驕人，故今次再合作倍添壓力，霆鋒說：「壓力一定會有，但亦係我哋台前幕後嘅推動力，我哋只想拍出比上次更好嘅電影。」

廖啟智的瘋丐造型突出，與上集的警察角色截然不同。

霆鋒（右）和家輝再度合作，演出英皇新片《綫人》。

演技大挑戰

家輝和霆鋒上集都有突破演出，而在《綫人》中，智叔的乞丐造型非常突出，跟上次的警察角色截然不同，他說：「我都想帶畀觀眾唔同嘅新鮮感，呢次我同霆鋒都係做綫人，但因為家輝出賣咗我，令我畀黑道中人追殺，變得瘋癲，呢個角色對我嚟講係另一種挑戰！」

家輝憑《証》片成為六料影帝，問到會否期望《綫人》為他帶來更多獎項？他笑說：「最重要都係觀眾認同，得唔得獎都係平常心！」