候選港姐和港男大隊昨日在韶關進行最後一天外景，一行人在巿內觀光，由於天氣酷熱，眾人要食雪條消暑。其中(5)莊思明表現興奮，因她持護照沒有回鄉卡，故甚少返內地購物，感覺很有趣。問到可覺得辛苦？她說：「經過印度行，呢啲短Trip都幾好玩，今次拍外景可以睇到日出，心情好興奮。」早前打排球弄傷腳的她，拍外景時要搽粉遮掩傷痕。
至於在前晚的晚宴上，(3)黃田麒大講「龜頭」出洋相成為焦點，他表示廣東話不好，現正努力學習：「參選係因為畀朋友『大』，話如果夠膽參選，就叫我做師傅！（知道『龜頭』係指男性器官？）吓！唔知，乜咁大件事o架！」而(4)葉建希再有艷女坐大髀相流出，他指其Facebook半年前已被Hack（入侵），估計因此流出私照。問到可擔心影響形象？他說：「唔擔心！（坐大髀嘅艷女係女友？）係前女友。（同錫錫嗰位女子係同一人？）我未睇過啲相，但相信係同一人。」