盛傳被公司雪藏的o靚模鍾蕙芝（Lavina），昨日在Dogside Cafe宣布推出慈善寫真集。席間Lavina透露是次與朋友各自斥資五位數字出書，自己則分文不收，部分收益撥捐元朗一間狗場。她又否認與其他o靚模爭出寫真：「我只係想做有意義嘅事，唔想同人比較！（同經理人不和而被雪藏？）過去幾個月的確處於低潮期！」對於有傳同門的Rainbow因與經理人拍拖而得寵，導致她頓成「棄將」，Lavina說：「我唔知有冇偏心，我又唔係枕邊人，偏心嗰個又唔係我，我冇興趣同人爭！（Rainbow係枕邊人？）唔係！我唔知！」她坦言不介意被雪：「因為雪櫃都冇電！（同經理人仲有冇約？）我唔清楚，我哋已經幾個月冇聯絡！」再問到與Rainbow是否朋友？她說：「唔係！只係工作上嘅夥伴，年紀有距離，思想溝通唔到！」