昨日《3香港電子書服務新聞發佈會》邀請了不少今年推出寫真集的藝人及o靚模，包括傅穎（Theresa）、周秀娜（Chrissie）、陽光女何思諺、A. Lin及DaDa Lo等。論全場最搶鏡，莫過於是以一襲Fornarina黑色吊帶Deep V裙示人的Theresa，大騷白滑心口及「事業線」的她，成功「峰」殺密實上陣的娜姐，先聲奪人！就連同場的羅仲謙亦打趣解開衫鈕晒胸肌，並笑言胸部比Theresa的還大。自言新歌衫領口更低的Theresa，被問到跳舞時是否異常「跌盪」？她說：「一定要Cup數大，D、E、F Cup先可以，我應該好難！」

周秀娜僅露香肩，似乎保守得滯喎！

羅仲謙笑言要解鈕晒胸肌，不讓傅穎專美。

讚鄧麗欣舞得

年前書展曾被怪風吹起裙襬而露出「阿婆底」的她，否認曾走光：「嗰次我都控制唔到，條阿婆底褲我仲有着o架！（成年仲有着？）因為真係幾好着！同埋依家同事每次畀打底褲我，都會講笑話係『阿婆底褲』！不過今年我唔會着鬆身裙，應該冇事。」

A. Lin（左）及DaDa齊齊露膊騷長腿，有「讓賽」之嫌。

著名時裝設計師鄧達智讚周秀娜樣靚身材正，加上EQ高，在模界定有所作為。

對於與「宿敵」鄧麗欣同期出新歌，Theresa說：「冇話鬥唔鬥！因為舊年已計劃會出，我唔會比較！」她又大讚對方跳得好：「冇得比較，各有各好！（你哋係宿敵？）傳媒覺得係，其實我哋唔係！」

否認狙擊Baby

至於早前揚言要男友先求婚的Chrissie透露，就算男友求婚亦不打算結婚，問到會否秘婚，以免如鍾欣桐般被因愛成恨的粉絲惡搞，她說：「唔會秘密！連男朋友都公開埋，如果係呢個嘅話！」她又否認刻意安排和Angelababy同日出寫真，並聲稱未看過對方的水底谷胸相：「之前有睇過其他相，好靚！（傳Baby隆胸？）同佢唔熟，唔方便批評！」

另外，鄧達智昨日出席活動時大讚Chrissie樣靚身材正，冠絕同期o靚模：「我想搵佢行騷，佢好似名模Kate Moss，都唔係正規Model出身，加上佢EQ好好，但都出到位！」