忙於為爸爸戴思聰籌備喪禮的大女兒戴蘊慧（真真），昨日接受電話訪問時透露妹妹戴辛尉（葳葳）為父親着手辦理死亡證，喪禮暫定下月28日在香港殯儀館設靈，29日舉殯，喪禮會採用佛教儀式及火葬，但骨灰安葬地點則未決定，真真憶起爸爸禁不住痛哭：「我好掛住佢，好唔捨得佢，唔係好接受到佢離開咗。」但據消息證實，因要遷就焚化爐排期，故喪禮改為8月3日設靈，8月4日舉殯，因此妹妹仍未有辦死亡證手續。
桃李滿門的戴老師，盛傳當年嫌棄真真身邊人，又希望她下嫁新加坡富商，真真昨日哭着為父親澄清：「佢係好好父親，我好想講，好多謝爹哋幫我揀咗前途，佢知我唔適合呢個圈，性格衝動，唔識應酬，佢冇幫我決定婚姻，係鼓勵我，我前夫係個好好丈夫，我好開心擁有個幸福家庭。」
真真表示與前夫離婚因性格不合：「佢依家都經常喺我身邊，我哋感覺係一家人，佢就好似我左右手，大家唔可以冇咗對方。（會復合？）將來嘅事好難講，要慎重考慮，唔想做第二次錯誤決定，我哋關係好好，只係唔喺一齊住。」