戴思聰桃李滿門，包括黎明、王菲、陳曉東和鄭嘉穎等，每位也能獨當一面，故有「香港樂壇教父」之稱。惟早年戴老師與東東及嘉穎因合約糾紛鬧至滿城風雨，更被外界封為「樂壇吸血鬼」。據戴思聰多年好友透露，這兩年來，戴思聰感到不開心，還患上抑鬱症，要看心理醫生及定時服藥，而他亦沒有看電視，因不願看到不想見的人。
戴蘊慧：爹哋好唔開心
此外，據知戴老師仍有遺願未了，一是親筆撰寫的回憶錄，原定今年12月他的70大壽時推出，豈料突然逝世，遺作尚未完成；另一遺願是舉行「師生演唱會」，據悉戴老師於06年前已構思舉行，惟發生與嘉穎合約糾紛後，戴老師擔心被指拜金，故近年轉趨低調。另外，由於當年無綫力撐嘉穎，令戴老師與無綫關係有變，他擔心連累學生及女兒出碟受影響，故其後再收學生時，千叮萬囑他們不要向外透露自己是他們老師，可說用心良苦。
回憶錄手稿接近完成
戴思聰的愛女戴蘊慧，昨日接受本報電話訪問時透露，父親這兩年來感到不開心：「呢兩年佢好唔開心，瘦咗好多，加上對眼有問題，冇乜胃口食嘢，之前有好多負面報道，令爹哋受好多委屈。（係咪鄭嘉穎件事？）唔想講是非，佢唔會講畀我聽。」有傳戴老師入院後要見嘉穎？戴蘊慧說：「爹哋入院已昏迷。」戴蘊慧力撐父親為人：「爹哋只係一個老師，唔識表達，唔係圈中人，佢好多嘢獨力承擔，會屈住屈住。之前有身體檢查，驗尿驗血冇問題，亦冇心臟病。」
問到戴蘊慧是否仍嬲嘉穎？她說：「冇嬲，嬲一個人好辛苦，點都好，當年係佢嘅決定。（爹哋有冇嬲？）爹哋會留意佢啲新聞，但唔會評論。」談到與父親生活點滴，戴蘊慧聲淚俱下：「之前有好多不利新聞，佢一生人做咁多好事，應該還佢一個公道。」對於爹哋遺願，戴蘊慧說：「本書（回憶錄）手稿搞咗八成，係值得回憶嘅生活點滴。（同嘉穎東東不快事？）冇講唔開心嘅嘢。（演唱會？）一切未落實，一步一步嚟。」
否認老師臨終前召見
另外，鄭嘉穎昨日在奧海城拍攝無綫劇集《居家兵團》時，難掩哀傷神色，問到與戴思聰的恩仇是否還未解開？他說：「依傢只有恩、冇仇。人都唔喺度，當年係發生咗好多事，但係依家最重要係辦好老師嘅喪禮。（出席喪禮？）會，戴老師入院之後都有聯絡過佢細女，但係駁咗落留言信箱，明白嘅，知道呢啲時間好多人會搵佢哋。戴老師過身，真係好突然。」同樣與戴思聰決裂的陳曉東近年已和好，鄭嘉穎則說：「我同戴老師冇聯絡係事實，由我去台灣開始已經冇聯絡，之後反而同佢細女有聯絡，但06年之後都冇喇！希望佢哋節哀順變。」
對於報道指戴思聰遺願希望能見他一面，戴家亦嘗試過聯絡他，鄭嘉穎說：「我冇收過電話。」他又指一直好好保存戴老師93年送贈的名錶。