商天娥（娥姐）與男友Patrick十月拉埋天窗，佢哋前排辦嫁妝嗰陣，Patrick豪擲十四萬蚊送咗隻珍珠鑲鑽天鵝戒指畀娥姐！正當人人戥佢開心之際，娥姐竟然同小小So講，唔係唔鍾意收鑽戒，如果畀佢揀寧願要手錶。
小小So：隻天鵝戒指咁有代表性，非你莫屬啦！點解你唔鍾意？
娥 姐：唔係唔鍾意，不過如果畀我揀，我寧願要隻手錶！
小小So：手錶個代表性冇咁好，如果係送隻鵝戒畀你做結婚禮物，會有紀念價值啲嘅，你Honey都好有心思吖！
娥 姐：又係嘅，Honey嘅心意我當然收到，只不過我係實際嘅人，名貴手錶又可以保值，又可以攞出嚟戴，相反咁大隻鵝戒，戴出嚟好易刮花！
小小So：咁又係，結婚禮物有損傷就唔老利啦！