楊千嬅、Stephy及陳志雲等的唱歌老師Christine Samson昨日舉行記者會，宣傳歌唱課程，新聞稿指Stephy的緋聞男友小方及緋聞情敵阿嬌均會出席，惟「嬌申」因忙於宣傳新片《出水芙蓉》而「冇影」，阿嬌僅以短片祝賀老師，令三位緋聞主角避過同場相見的尷尬。席間，Stephy透露二人要到外地宣傳新片，可見她對小方的行蹤瞭如指掌！

原子鏸及港姐周美欣同穿低胸裝示人，搶盡「峰」頭。

放大圖片

被問到「嬌申」的緋聞時，Stephy說：「都係電影宣傳，合作拍戲就係咁！」對於導演劉鎮偉踢爆他們在片場眉目傳情，她說：「拍戲次次都係咁，最緊要投入角色！（擔心佢哋過電同宣傳相好親密？）唔會！況且宣傳相唔算親密！」再問到是否對小方充滿信心，她起初耍太極扯開話題，其後再重申專業演員應投入角色，更揚言會捧小方《出》片場。

Christine Samson 深得星級學生愛戴，桃李滿門。

陳志雲與Christine Samson亦師亦友，故專誠抽空撐對方。

千嬅學上海粗口

至於千嬅透露Christine曾指導老公丁子高一家歌唱技巧，又表示曾跟老公學上海話方便溝通：「我喺台灣試過畀司機用台語粗口問候，當時唔知佢鬧我，我仲向佢鞠躬講多謝，我學識上海話粗口，都知人哋問候我，方便還擊嘛！」而陳志雲表示仍未知何時回無綫復工，但稍後將主持電台節目《生死之交》：「呢個節目教人認識死亡，積極面對生命，第一集會請咗陳寶珠做嘉賓，我早年主持《志雲飯局》嘅首集嘉賓同樣係寶珠姐，真係有緣！」