容祖兒（Joey）、基仔、陳偉霆、泳兒與洪卓立等，昨日出席《英皇新秀歌唱大賽》記者會，Joey與基仔獲贈「大聲公」及「巨尺」，更被封為「地獄教官」，將指導十強參賽者的歌唱技巧。鑑於無綫已有《超級巨聲》節目，今次歌唱比賽將改與網絡供應商合辦，英皇唱片及藝人管理部總監霍汶希說：「始終無綫搞緊歌唱比賽，咁英皇咪用另一個平台去吸納人才囉！好多參賽者都怕面對試音，今次可以拍片嘛！英皇同無綫關係好好，到時可能買番個節目時段畀無綫去播。」基仔亦表示不擔心有衝突：「始終係兩個唔同嘅比賽，我做過《巨聲》評審，批評都唔會太有保留！」
Joey則坦言會跟杜麗莎一樣惡女上身：「我都係有嗰句講嗰句，唔會轉彎抹角，希望畀真心意見班參賽者，以前師傅羅文都會鬧我，話我形象唔得囉！雖然好惡，不過我冇喊，因為佢講真心話，都係為我好！」
Joey還自爆近日在家偷閒上網做「宅女」，曾經利用化名玩網上麻雀，她笑說：「我好少上交友網，平時見埋唔少靚仔啦！使乜上網交友啫！」