快將開騷的校長譚詠麟，昨日與Mr.到電台宣傳新歌，對於黃秋生發表「o靚模妓女論」，校長即時替o靚模說話：「其實佢哋都係搵啖飯食啫！」他還建議她們應成立公會「八模會館」，更推舉老友曾志偉做會長：「志偉係最有善心嘅！最鍾意幫助啲無依無靠又冇衫着嘅女仔！」他不贊成o靚模在書展搞簽名會，建議她們背後的策劃人另覓場所：「唔一定要喺書展搞嘅！我知班o靚模各自搵緊自己嘅出路，過程好辛酸！」他更自爆曾在網上睇o靚模的寫真集，問有否給兒子睇？他即笑說：「小朋友唔會買嚟睇嘅！」