剛簽約電影公司的莊思敏，昨日接受電台訪問時表示，希望雙方合作一生一世：「透過電影飾演唔同角色，希望可以成功轉型啦！」即將推出新書的她表示，因出版社推出多本模寫真集，致貿發局亦禁制她在書展舉行簽名會：「依家模特兒工作係夕陽工業，畀班o靚模搶晒風頭，佢哋唔係指年輕嘅模特兒，而係不合規格嘅Model！直情可以叫『乳模』或『胸模』！（黃秋生寸爆佢哋？）佢嘅言論有啲激進，不過我都唔贊成o靚模入書展搞簽名會！」另外，對於妹妹莊思明被指是港姐金手指，她即力撐：「佢唔係一個是非人，好少講人是非！」