無綫每年舉辦的《香港小姐競選》雖千篇一律，但勝在話題十足，搞到亞視要大費周章諗定噱頭節目對撼。今年亞視有見o靚模熱橫跨一年未退，加上被貿發局勒令禁足書展，令她們苦無宣傳之地，索性寧買當頭起，慳水慳力製作o靚模水着節目狙擊港姐！

冬甩乳模Rainbow Rainbow帶定私伙比堅尼錄影，希望以最靚一面示人。

港姐咪神彭慧中 彭慧中是今屆港姐咪神，靠晒佢砌低一班乳模！

據知，亞視將於本月製作水着節目《青春無敵Free D水運會》對撼港姐，但港姐現已由本月31日改為下月1日舉行，為防無線變陣，亞視把節目改為錄影，準備隨時出街對撼。嘉賓方面，亞視已邀得憑「浸大E神」封號成功上位的Carol及以Rainbow為首的組合「冬甩」，與亞視一班青春肉女鬥餐飽。

放大圖片	李文煊身材欠奉，惟有靠美麗與智慧搶收視。	張秀文與張藝婷上圍同樣有睇頭，有力迎敵。
放大圖片

三點式上陣當宣傳

節目表面上以「健康性感」作賣點，卻要求多多，亞視指定o靚模清一色泳裝上陣，但不准外加T恤。據悉，Carol與「冬甩」六女將入Camp拍攝兩日一夜，但酬金加起來只得六位數字「Cheap價」，比起逾七位數字製作費的「港姐」，認真小巫見大巫。雖然如此，今年港姐負面新聞甚多，亞視隨時「刀仔鋸大樹」，用人氣o靚模贏無綫！

記者就此事致電冬甩，Rainbow表示已準備私伙比堅尼鬥港姐：「今次會玩水上活動，會帶定幾套私伙泳裝替換，盡量揀有弧度啲嘅泳衣，希望着得好睇啲。（硬撼港姐喎？）唔會有壓力啦！我哋青春過佢哋，路線唔同各有各做。」成員Irene則說：「今年港姐新聞都幾負面，又傳攬仔又煲煙，年年睇港姐都悶啦！」Rainbow指今次接受亞視邀請，正好給予一個宣傳渠道：「今次重點唔係Sell寫真，而係Sell我哋個人！」而Carol則表示想藉今次出鏡機會令更多人認識，提到酬金多少？她說：「上《獎門人》同森美節目只係畀車馬費，今次都差唔多！」