賈曉晨（JJ）早排忙完拍武打片後，即刻趕去上海同北京出席宣傳活動，根本冇足夠時間休息，搞到佢喺香港出席活動時，好似未回復最佳狀態。小小So見到JJ咁，即刻上前問候吓佢，叫佢保重。
小小So：做咩你呢排個樣成日都咁攰呀？
賈曉晨 ：唔係好攰，只係早前忙完世博嘅嘢，返嚟唔夠一日就飛去北京，跟住又要去廣州，我都係返咗嚟香港一陣咋！
小小So：係咪喺上海世博嗰時，晚晚出去玩呀？
賈曉晨 ：有時間都要準備電視節目嘅嘢，邊有咁多時間去玩呀？但上海世博就一定要去參觀，我建議你哋參觀中國館，真係好熱鬧o架！
小小So：上次你出席世界盃活動嗰陣，喺微博度寫話唔想出門，仲畀人發現你遲到，係咪想放假休息吓呀？
賈曉晨 ：嗰日我係遲咗少少出門，但工作要緊，再多嘅工作，我都可以應付，依家我都冇諗放假嘅嘢，工作當然愈多愈好喇！