30/06/2010

播放本新聞相關短片

Mr.隨傳隨到勁聽話

樂隊Mr.甚得唱片老闆同前輩譚詠麟歡心，全因佢哋夠乖！話說有晚Mr.錄緊音，阿倫、唱片公司高層同班圈中朋友食飯，突然打電話召晒佢哋嚟，一字排開同前輩飲杯兼打招呼。之後阿倫突然想傾演唱會啲嘢，攰爆嘅Mr.依然坐定定聽阿倫發言，聞說呢個臨時會議開咗成兩粒鐘，但佢哋冇呻過之餘，仲多謝阿倫畀機會添！