力Sell陽光氣息的葉建希（Angus），在新一屆港男面試芸芸騎呢參賽者中脫穎而出。20歲出頭、樣貌四正、現職健身教練的他，早前以個人名義參加今年《全港男子古典健美錦標賽（175cm以下）》獲「最佳造型」第二名，其Facebook內有不少獲獎的照片，只見他參賽時爆肌身形，與其斯文外貌有點格格不入，而在另一張相中更見他穿有臍環，屬潮人一族。據知，Angus與07年香港先生冠軍袁偉豪分屬好友，經常結伴玩健身，袁偉豪說：「早幾年我玩健身已經識Angus，今年廿歲都係一個適合年齡，建議佢參賽當見識吓，佢面試前，朝早我同佢食完早餐，仲幫佢執吓個樣，叫佢放鬆啲，我對佢有信心。」