新「邦民女」兼「八模兵團」成員之一的陳嘉寶（Anjaylia）在模特兒界闖出名堂，名利雙收下卻沒有放棄學業，現於樹仁大學修讀新聞與傳播學系。好學的她在課餘時間接Job外，亦報讀不同課程進修：「因為工作需要，最近我學化妝兼行Catwalk，而且仲報讀咗西班牙語課程，想一語傍身，本來我想喺法國文化協會學法文，但時間表唔啱，我唔想拖拖吓冇咗件事，所以就坐言起行轉讀西班牙語，我亦有跟Annie G.媽咪學。」